Collage 1

မိုင်ကယ်ပင်းမား စာကြောင်းတိ

ဟယ်လို ဂိုဇို၊ အေမှာ ငါရို့၊
လည်နီရေကမ္ဘာ၊ အေလောက် ခရီးပေါက်လတ်ဗျာလ်လာ။
အေချင့်ကို ရီး၊ သူရို့ရွာတိအားလုံးကို ငါရို့ မီးတိုက်ပစ်ခကတ်တေ။
ငါ အင်္ဂလိပ်စကားမတတ်။
အေချင့်ကို ရီး၊ သူရို့ရွာတိအားလုံးနန့် ယင်းမှာနီရေလူတိအားလုံးကို ငါရို့ မီတိုက်ပစ်ကတ်တေ။
ငါ အင်္ဂလိပ်စကားမတတ်၊ ယေဇူးနန့်၊ ဝမ်းဆာကေ ပါးစပ်ပေါက်ကိုစီရာ လက်ညိုးထိုးပြနီဖို့ကလွဲကေ တခုလေ့မတတ်နိုင်။
နှင်းထက်ကို မင်နန့် မျက်နှာသစ်နီလာ
ငါ ညီးနီဗျာလ် ဂိုဇို
ငါရို့နန့် ငါရို့မဟုတ်စော်ကို
သွီးစက်ရုံတိကို ညီးနီဗျာလ်။
ဆောင်းနှင်းဆီတိက မမြင်ရ။
နောက်ကျရေ ရီခဲက တခါတလီ တေးခြင်းဆိုရေ။
ကကြီး နန့် ကကြီးမဟုတ်စော်က တူတူပါရာ။
ငါ အင်္ဂလိပ်စကားမတတ်၊ ယေဇူးနန့် အေတခုလေ့မဟုတ်တေ ပန်းချီကားကို ယင်းတခုခုဟုတ်တေ ပန်းချီကားထက် ငါ ပိုကြိုက်တေဆိုစော်ကို ဆက်သွယ်ပြောပြဖို့နည်း ငါ့မှာမဟိ။
ငါက ကိုလိုဖွင်က လာလတ်စော် မဟုတ်တာ့ ကျွန်းချေတကျွန်းကလာလတ်စော်။
မှတ်စုစာအုပ်မှာ ပြောထားစော်က အေချင့်က မျိုးဗီဇပြောင်းလဲချိန် ပျက်လုံးတိကို ရယ်ကတ်ချိန်၊ စကားဘောင်ကို ကျော်နီရေ လျှို့ဝှက်ချက်တိအချိန်လတ်။
လခြမ်းကမ်းခြီမှာ ရီမြုပ်နီရေ သမင်တကောင်။
ကမ္ဘာက နီရာလွဲနီစော်တိ အားလုံးပါရာ။

………

Michael Palmer ရီးရေ Sun,I Do Not,aDream of a Language that Speaks,Autobiography ကဗျာတိထဲက စာကြောင်းတိကို စံမိုးငြိမ်းေရာစီေရ