Ron Silliman

နင် အပိုင်း တစ်

ခက်ခဲရေ အိမ်မက်တိ။ နင့်ခန္ဓာထဲက တနီရာရာမှာ နင့်အပိုင်သီခြင်းက လဲလို့

စောင့်နီရေ ဆိုစော်ကို နင်သိလိုက်တေ အချိန်ချေ။ လုံးချင်းထဲ သင်္ဘောက မိုးကုပ်စက်ဝန်းကို သတ်မှတ်တေ။ မိုးရီက

သောက်ဖို့ အန္တရာယ်မကင်း။

ဂရော်ဇနီမှာ ဘီဟတ်မှာ သမိုင်းအိုင်ဒီယာက ပေါက်ကွဲမှုအသစ်တခုစီနန့် ဗြန်းဗြန်းခါနီရေ။

အပြုစုမခံရပဲနန့် နှင်းဆီက လဲနီရေ၊အစုအပြုံလိုက်မြီမြုပ်ခံရရေကျင်းအစွန်းမှာ စူးအရိုင်းတိ။စာသင်ချိန်တိကြားမှာ

ကော်ဖီပြင်းပြင်း သောက်ကတ်ယင်းနန့် နာမ်စားတလုံး တန်ဖိုးကို လူငယ်ချေတိ ငြင်းနီကတ်တေ။

ဒေချင့်ကို နင်မြင်ရေအခါ၊သတိရပါ။ ပုလင်းတလုံးထဲက မှတ်စု က ကာတွန်းပင်လယ်မှာ ပေါ်လိုက်မြုပ်လိုက်။

ရေဒီယို အော်ပရေတာ နာမည်က စပါ့က်စ်။

အုတ်ထရံထက်မှာ ဆီးရောင်နန့် ကောက်ကြောင်းဆွဲထားရေ လက်။မုန်တိုင်းက ကစပ်ကွင်းကို ဗိတ်တော ဖြစ်အောင်

ပြောင်းပစ်တေ။နောက်ဆုံးတော့ခါ ရောင်သွီးစုံဘဲကို အလယ်ကန်မှာ ငါရို့တွိဗျာလ်။

ငါ့ကား ဒတ်ချဘုတ်က စန္ဒယား ခလုပ်ခုံနန့်တူရေ။တိရစ္ဆာန် အရုပ်ချေတိက နီရာတိုင်းမှာ။
နီက မိုးထ အာကာမှာ ဖောင်းနီရေ။

ကော်ဖီဆိုင် တံခါး အပြင်မှာ
စွပ်တာအင်းကျီလိုင်ပေါက်မှာ ဘောပန်သုံးချောင်းညပ်ထားရေ လူက စားပွဲခုံ တခုံကနီ နောက်တခုံကို

ပြောင်းနီရေ ဂျန်နဝါရီ လီအီးကနီ ဝီးအောင်လို့
လက်တဖက်မှာ စတိုင်ရိုဖုန်းခွက်အရှည်တခွက်နန့် အရာတဖက်မှာ ဂရမ်မာတိုလော်ဂျီ စာအုပ်နန့်

အပြင်မှာ ခွီးတကောင်ကို ဗလာခုံတန်းမှာ ချိုင်ထားရေ
စက်သီးကို “မရပ်ရ” မှာ ကြိုးနန့်ချိုင်ထားရေ။

လက်မှတ်ထိုး။

YOU part i Ron Silliman