ဘာလင်ကို ဗုံးချစော်
အမေရိကန်တိ အင်္ဂလိပ်တိ လာပါကတ်လိမေ လတ် သူက ပြောရေ
သူရို့ကို တခုပိုင်လေ့ တန့်လို့ကမရဗျာလ်
သူရို့လီပျံတိမှာ မီးအနီတိ အပြာတိပါရေ
သူရို့ အချိန်ယူနီခကတ်စော်
ရယ်ဖို့ကောင်းရေ မင်း သိလာ
ဗုံးတလုံးက တဘလောက်လုံးကို ဖြိုချပစ်ခပနာ
အနားက ဘလောက်ကိုကျကေ တို့ပင်မတို့မိပဲနန့် အေအတိုင်းချန်ပစ်ခစော်လေ
တခါက ဗုံးချပြီးခါ အပြိုအပျက်တိအောက်က ပီယာနိုတလုံး တီးနီသံကို ငါရို့ ကြားခကတ်တေ
ယင်းအောက်မှာ ပီယာနိုတီးရေ ဝါကြီးမတလုံး ဟိရေ
သူ့ပတ်ပတ်လည်မှာ အဆောက်အဦတခုလုံးပြိုကျလားခပနာ
သူ့ကို ယေမှာ မြုပ်ပလိုက်တေ ယေလေ့ သူက ပီယာနိုတီးနီတုန်းသိ
တအောင့်ဆိုကေ လီပျံတိက တခါပြီးကေ လာနီကတ်ခါ
ငါရို့လေ့ ဒုက္ခခံပနာ မြီအောက်ကို ဆင်းမနီကတ်ဗျာလ်
ပထမထပ်မှာပင်ဖြစ်ဖြစ် ဒုတိယထပ်မှာပင်ဖြစ်ဖြစ်
ငါရို့ဟိနီရေနီရာမှာ ဆက်လို့ နီလိုက်ကတ်တေဗျာလ်
ပြီးကေ မော်ကြည့်ပနာ မီးအနီအပြာတိကို စောင့်ကြည့်နီခကတ်တေ အတွက်ခံနီခကတ်တေ
ခလိုးသားတိ!
သက်ပြင်းတချက်ချပနာ ဘီယာဘူးကို ကောက်ကိုင်ယက်ပင်း သူက ပြောခရေ
အေ ငါရို့ စစ်ယှုံးလားခဗျာလ် ယလောက်ဗျာလ်ရာ
the bombing of berlin c bukowski
Hills and Riverbanks 